 |
| illustrasi |
Dari Peureulak ta jak u Bagok
Trouh u Bagok baleik lom u Peureulak
Adak pih jareung tanyoe meurumpok
Pu na mudah rukok meu sibak?
Meunyoe pantei Kuala Beukah
Meunyoe keubon Seuneubok Jalan
Han 'eik teu pikei diloen keu kah
'eik ka meugadee tip uroe tuhan
Keupu ta leit mata uroe loup
Ubei 'eik ta leit pih meurumpok hana
Soal meugadee nyan urusan dilikot
Nyang peunteing rukok na pu hana
Meunyoe jalou panyang lhee mete
'eik keunoe ban lhee ta jak u laot
Lage rukok nyan urusan siribee
Nyang peunteing malee beuna ta takout
Di Pasir Putih bak simpang mesjid
Jagong dimeukat that mangat rasa
Kabi pu han rukok sibak hai krit
beek gadouh tameukap sabee syedara
Di bumo Tuhan hasei meulipah
Laot ngen darat han abeih ta rasa
Beek lei tamoe hai rakan meutuwah
Malee teuh dikaleon lei rakan Samudra
Tuleih beurita lee rakan-rakan
Berita dipasang nibak Samudra
Puleih ngeon hawa tameuharap bak taulan
Nyan rukok sibak chit teutap hana
